Bayerni e Dortmundi fitojnë thellë në Bundesligë

Bayern Munichu dhe Borussia Dortmund kanë shënuar fitore të thella në xhiron e 23-të të Bundesligës gjermane.

Bavarezët fituan 5:1 ndaj Kolnit me nga dy gola të shënuar nga Robert Lewandowski dhe Serge Gnabry dhe një nga Choupo-Moting. Te mysafirët golin e vetëm e realizoi Ellyes Skhiri.

Fitore të thellë, 3:0 Dortmundi shënoi ndaj Arminia Bielefeldit. Mahmoud Dahoud, Jadon Sancho dhe Reinier shënuan golat për fitoren e thellë.

Në tabelë, Bayerni prin me 52 pikë, pesë para Leipzigut që është i dyti. Dortmundi është i pesti me 39 pikë.