Fillon festivali “Kënga Magjike 2018”, Rozana Radi e ndien mungesën e Stresit

Stresi tash e sa kohë gjendet prapa grilave të burgut të Fushë Krujës.
Reperi shqiptar ishte arrestuar për arsyen e armëmbajtjes pa leje si dhe bashkëpunimit me një grup kriminal.

E sot që mbahet gjysmëfinalja e “Këngës Magjike”, pasi reperi javë më parë u prezantua me projektin “Të du mom”, duket se do t’i mungojë skenës.

Një gjë të tillë e ka thënë edhe artistja, Rozana Radi e cila shkruan disa fjalë për të: “Sot duhet të kishim edhe një koleg këtu, kënga jote vazhdon të jetë e mrekullueshme. Një djalë që i këndon aq pastër nënës”, shkruan Rozana.

Ndryshe, festivalin e ‘Këngës Magjike’ e ka hapur Anxhela Peristeri, fituesja e vitit të kaluar.