Gjashtë transferimet e mundshme të Man. Utd në verë

Ole Gunnar Solskjaer po përgatitet të bëjë ndryshime të mëdha te skuadra e Manchester Unitedit dhe ka nisur të vërë themelet për këtë.

Trajneri i Manchester Unitedit gjithmonë kishte qenë i vendosur të forconte skuadrën në disa pozita, por tash, pas formës së dobët të shfaqur së fundmi, është më i vendosur se kurrë të bëjë ndryshime.

Humbja turpëruese 4:0 ndaj Evertonit në fundjavë ka sosur durimin, ku Solskjaer ka paralajmëruar se ndryshimet janë të paevitueshme

E ardhmja e yjve si Alexis Sanchez, Paul Pogba e Ander Herrera është e paqartë, ndërsa Solskjaer është i gatshëm të përmbushë planin e tij për blerje në verë.

Ja gjashtë lojtarët që janë në krye të listës së dëshirave.

Declan Rice (West Ham United) – 58 milionë euro

Mesfushori i West Hamit, Declan Rice, është bërë një nga shënjestrat kryesore të Manchester Unitedit për afatin kalimtar të verës, pas një stinori të mrekullueshëm që e ka çuar atë deri te Përfaqësuesja e Anglisë. Rice, 20-vjeçar, është kthyer në një nga mesfushorët defensivë më të mirë në Premier League dhe Solskjaer beson se ai ka potencial për t’u përmirësuar dukshëm më tepër.

Saul Niguez (Atletico Madrid) – 148 milionë euro

Me Juan Matan dhe Ander Herreran që po duket e sigurt se do të largohen, Manchester Unitedi ka kthyer sytë nga bashkëkombësi i dyshes për të ndihmuar të mbulohet hapësira që do të lënë ata.