Ish bosi i Google thotë se SHBA rrezikon të humbasë përballë Kinës në betejën për epërsi teknologjike

Në betejën për epërsi teknologjike mes SHBA dhe Kinës, Amerika ka ngelur pas në financimin e inovacionit dhe kërkimit sipas ishte shefit ekzekutiv të Google Eric Schmidt.

Dhe sipas tij kjo është arsyeja pse Kina e ka arritur SHBA-në. Megjithatë ai beson se Amerika mbetet përpara Kinë në inovacion teknologjik, të paktën për momentin.

Por hendeku mes dy vendeve në këtë fushë po ngushtohet me shpejtësi.

Sipas të dhënave nga Forumi Ekonomik Botëror, Kina ka zëvendësuar SHBA si vendi numër 1 në kërkime shkencore dhe inxhinierike që prej 2018.

Raporti tregonte sesa shumë Kina po fokusohet në kërkim dhe zhvillim krahasuar me SHBA. Për shembull Huawei shpenzon 20 miliardë dollarë në kërkim dhe zhvillim, një prej buxheteve më të mëdha në botë.

R&D po ndihmon Kinën të avancojë përpara në fushat e inteligjencën artificiale dhe 5G.

Schmidt thotë se është mungesa e financimit nga SHBA që po ndihmon Kinën të afrohet dhe pse jo një ditë të dalë përpara.

Sipas një grupi lobimit të teknologjisë në SHBA, në 60 vitet e fundit qeveria Amerikane sot shpenzon më pak në R&D krahasuar me madhësinë e ekonomisë.

Ai thekson se kjo epërsi teknologjike e SHBA-së ka ardhur si rezultat i talentit ndërkombëtar që është lejuar të punojë dhe studiojë në SHBA. Nëse një talent i tillë nuk lejohet në vend, SHBA rrezikon seriozisht të mbetet pas Kinës.