Ismaili: LDK-ja e ka gojën plotë shëndetësi e nuk e votoi ligjin për paga

Ministri i Shëndetësisë, Uran Ismaili ka thënë se deputetët e LDK-së, të cilët e kanë gojën plot shëndetësi nuk e kanë votuar ligjin e pagave.

Sipas tij, po të varej prej LDK-së, mjekët dhe infermierët ende do të kishin paga të vogla e kushte të mjerueshme.

“Realitetit dhe fakteve mund t’i japim çfarëdo ngjyrimi, por ligji për pagat ka kaluar dhe është parë kush e ka votuar. Postimet e mia dhe të tyre mund të themi që kanë ngjyrime politike. Pra me i lënë në vendimmarrje LDK-në, ligjin për paga nuk do ta kishim. Ata nuk e kanë votuar. Nuk e kam ndarë mjekësinë në baza partiake”, u shpreh ai.