LDK del me vendim të ri për zgjedhjet në Veri

Lidhja Demokratike e Kosovës ka vendosur përfundimisht që mos të ketë kandidat për zgjedhjet lokale në katër komunat veriore.

Këtë e ka konfirmuar sekretari i përgjithshëm i LDK-së, Ismet Beqiri.

Për Indeksonline, Beqiri ka treguar edhe arsyet e këtij vendimi.

“Nuk do të kemi kandidat për kryetar në komunat e veriut. Ne do t’i kemi përfaqësuesit tonë në komisionet komunale zgjedhore. Poashtu, do i kemi komisionerët e vëzhguesit tonë për të përcjellur procesin. Vlerësimet tona janë të tilla ngase nuk duam që të bëjmë pjesë në një garë vetëm formalisht. LDK është subjekt serioz” ka thënë Ismet Beqiri.

Zgjedhjet për kryetar komunash në Veri do të mbahen me datë 19 maj.