Maqedonia në NATO, Zaev: Po e realizojmë vendimin tonë strategjik të vitit 1993

Delegacioni qeveritar maqedonas, të cilin e kryeson kryeministri i vendit Zoran Zaev, para Mbledhjes së liderëve të NATO-s në Londër, zhvilloi takim me ish-funksionarë të lartë dhe ambasadorë të Aleancës dhe BE-së, anëtare të Grupit të Ohrit.

Zaev, përmes një postimi në Facebook, tha të kenë biseduar për nismat e ardhshme të përbashkëta për afirmim dhe dukshmëri ndërkombëtare e Maqedonisë së Veriut, e cila së shpejti do të jetë anëtare e plotfuqishme e NATO-s.

“Anëtarësimi në NATO është realizim i vendimit tonë strategjik sovran, të miratuar me konsensus në vitin 1993. Anëtarësimi në NATO do të thotë siguri dhe stabilitet, si parakushte kryesore për zhvillim dhe prosperitet ekonomik, si parakushte për zhvillim ekonomik dhe prosperitet i vendit tonë dhe qytetarëve në shoqëri të aleancës më të fuqishme në botë”, shkroi Zaevi.

Kryeministri maqedonas në Samitin e NATO-s në Londër është i shoqëruar nga zëvendëskryeministrja dhe ministrja e Mbrojtjes, Radmilla Shekerinska, zëvendëskryeministri për Çështje Evropiane, Bujar Osmani dhe ministri i Punëve të Jashtme, Nikolla Dimitrov.