Një plan stërvitjeje për 50 vjeçarët

Kurrë nuk është vonë për të filluar ushtrimet, madje edhe për personat mbi 50 vjeç, thonë doktorët dhe profesionistët e fitnesit.

Në një artikull të publikuar në Cnet, rreth të ushtruarit në moshën mbi 50 vjeç, trajnerët Nicholas Rizzo, Chris Frankel dhe ortopedja Elizabeth Gardner tregojnë se është e mundshme të fillohen stërvitjet edhe pas kësaj moshe për të rigjetur formën optimale.

E të pasurit e një plani të stërvitjeve mund të ndihmojë t’i qëndroni besnik ndaj synimeve tuaja.

Frankel ka ofruar një plan të stërvitjeve gjashtë javore, të ndarë në faza (për secilën fazë nga dy javë)/

Faza e parë (javët 1 dhe 2):

Çdo ditë duhet të punohet në lëvizshmëri

Ushtrimet kardio aerobike – (me intensitet të ulët e për kohë më të gjatë) dy deri në tre herë në javë për 20-40 minuta.

Trajnimi mesatar – (rezistencë me intensitet të ulët deri në mesatar) një apo dy herë në javë për 20-30 minuta.

Faza e dytë (java e tretë dhe e katërt)

Puna për lëvizshmërinë

Ushtrimet kardio aerobike – një apo dy herë në javë për 20-40 minuta.

Anaerobik kardio (ushtrim me intensitet të lartë), një herë në javë për 15-20 minuta.

Stërvitje rezistente – dy herë në javë për 20-30 minuta.

Faza e tretë (java e pestë dhe gjashtë)

Puna për lëvizshmërinë

Ushtrimet kardio aerobike – një apo dy herë në javë për 30-45 minuta.

Stërvitje kardio një herë në javë për 20-35 minuta.

Trajnimi i rezistencës në intervale (pesha më të ulëta e vëllim më të lartë) një herë në javë 25-40 minuta.

Trajnimi i rezistencës me pesha më të rënda një herë në javë për 30 deri në 40 minuta.

Shikoni se si plani fillon me dy deri në tri ushtrime, dhe rritet në katër deri në pesë përderisa arrini javën e pestë të stërvitjeve.

Ju mund t’i përsëritni këto faza me kalimin e kohës, duke ndryshuar ushtrimet për t’i dhënë një sfidë trupit tuaj.

Kthimi në fazën e parë i jep trupit tuaj mundësinë për t’u shkarkuar dhe rikuperuar nga intensiteti i lartë i fazës së tretë.