Speca n’mazë

Nuk ka njeri të mos i pëlqejë specat me mazë. Sidomos jo në një mëngjes të shtuneje, të shoqëruara me një pogace të nxehtë të gatuar nga duart e nënës.

Përbërësit:

5-6 speca
1 domate
thelpinj hudhre
vaj ulliri
400 gr ajkë të thartë/shtalpë
sipas shijes kripë

Udhëzimet

Hapi 1 
Specat piqini në një enë të thellë në vaj, lërini të ftohen e më pas qërojini.

Hapi 2 
Në të njëjtin vaj fërgojeni një domate të prerë, disa thelpinj hudhër dhe pak vaj ulliri. Kaurdisini derisa të zbuten.

Hapi 3 
Pastaj shtojani shtalpën dhe lërini të kaurdisen të gjitha bashkë, derisa të përfitoni një krem homogjen.

Hapi 4 
Në fund shtoni specat e qëruar dhe vazhdojeni kaurdisjen edhe për pak minuta, derisa të bashkohet mirë masa.

Hapi 5 
Kriposini sipas dëshirës.

Ju bëftë mirë.