Vuçiq i zbut fjalët pas takimit me Palmerin: Bisedimet fillojnë pas 2 – 3 muajsh

Presidenti serb, Aleksandër Vuçiq, u takua sot në Beograd me të dërguarin e SHBA-së për Ballkanin Perëndimor, Matthew Palmer, pak ditë pasi që qëndroi për vizitë zyrtare në Kosovë

Vuçiq pas takimit tha se dihej që pikëpamjet e Serbisë dhe SHBA-së ishin të ndryshme, megjithatë ka falënderuar Palmerin që dëgjoi qëndrimin e shtetit serb.

Presidenti serb tutje ka shtuar se kishte biseduar hapur me Matthew Palmer, derisa thotë se beson që kushtet për vazhdimin e dialogut në mes të Beogradit dhe Prishtinës do të krijohen për dy deri në tre muaj.

Mediat serbe para takimit kishin raportuar se në fokus të diskutimit do të jenë mesazhet që zyrtari amerikan i dha të premten në Kosovë për njohjen dhe sanksionet ndaj Serbisë.